Sa anong paraan mo nararamdaman na 'namamayagpag' ka ngayon?
Isang maikling pagninilay ukol sa ating pagkatao, sa pagbabalik sa ating orihinal na anyo at disenyo mula sa ating Amang lumikha.
Study Notes & Pagninilay
Ang Orihinal na Disenyo (Genesis 1:26-28)
Nilalang tayo ng Diyos ayon sa Kanyang sariling imahe at wangis. Hindi lamang Niya tayo binigyan ng buhay upang magpatuloy, kundi upang maging Kanyang mga kinatawan na nagpapakita ng Kanyang kaluwalhatian at may kapamahalaan (dominion) sa Kanyang mga nilikha bilang mga tapat na katiwala.
Ang Puso ng Isang Ama
Katulad ng isang mapagmahal na ama na nag-aaruga, nagpapakain, nag-iingat, at nagpapaaral sa kanyang mga anak, ang nais ng ating Ama sa Langit ay makita tayong lumalago at "namamayagpag." Walang mas proud na moment sa isang ama kundi ang makita ang tagumpay at kasaganaan ng kanyang mga anak sa ilalim ng Kanyang patnubay.
Gabay na Tanong
"Sa anong aspeto ng iyong buhay (pamilya, trabaho, pag-aaral, o ministeryo) mo nararamdaman na ikaw ay namamayagpag at lumalago ngayon sa ilalim ng gabay ng Diyos?"